Image 0

Tirana Business University

Konkursi Kombëtar: Sipërmarrësit e së Nesërmes dhe Juristët e së Nesërmes

Konkursi Kombëtar: Sipërmarrësit e së Nesërmes dhe Juristët e së Nesërmes

Tirana Business University College (TBU) nis zyrtarisht sot, me dt. 25 Shkurt 2019, procesin e regjistrimit të maturantëve për të dy konkurset kombëtare:

A) Sipërmarrësit e së Nesërmes, Edicioni 9 - Skuadrat me 3-5 individë aplikojnë me ide biznesi të shtjelluara në format plan-biznesi, të cilat më pas i prezantojnë përpara një jurie të përbërë nga ekspertë dhe biznesmenë.

B) Juristët e së Nesërmes, Edicioni 5 - Skuadrat me 2-3 individë ftohen të ndërmarrin role në trajtimin e çështjeve ligjore si “palë e paditur” kundrejt “palës paditëse” në formën e “gjyqit imitues” përballë trupit gjykues të përbërë nga gjyqtarë, prokurorë dhe juristë me përvojë.

@ Cilët mund të marrin pjesë?

Maturantë nga e gjithë Shqipëria të apasionuar e me prirje në sipërmarrje dhe/ose në fushën juridike (jurisprudencë).

@ Si mund të regjistroheni?

Regjistrimi bëhet online duke klikuar në linkun bit.ly/tbuedual. Regjistrimet pranohen deri në dt. 14 Prill 2019 për Sipërmarrësit e së Nesërmes dhe deri në 21 Prill 2019 për Juristët e së Nesërmes. Në të dy konkurset, si rregull, marrin pjesë skuadra, ndonëse në pamundësi inkurajohet pjesëmarrja si individ.

@ Cilat janë përfitimet?

1000 euro për skuadrën dhe 500 euro për individin që spikat më tepër në secilin prej konkurseve, bursa studimi me afat deri në 3 vite, hapësira logjistike, mbështetje teknike, mentorim, etj.

@ Cilët janë organizatorët dhe partnerët?

Prej vitit 2011 konkurset janë organizuar nga Tirana Business University College, në bashkëpunim me kompanitë dhe bankat më të mëdha të vendit, si dhe me mbështetjen dhe vlerësimin e Ministrisë së Arsimit, Sportit dhe Rinisë.

Vit pas viti pjesëmarrja është rritur ndjeshëm falë promovimit dhe angazhimit të mësuesve, drejtuesve të gjimnazeve, DAR/ZA-ve, partnerëve të ndryshëm dhe ekipit organizativ të TBU. Në vitin e fundit në të dy konkurset u regjistruan rreth 850 nxënës.

Inkurajojmë maturantët e të gjitha shkollave të mesme të përgjithshme ose profesionale të vendit, të apasionuar e me prirje në sipërmarrje apo në jurisprudencë të formojnë ekipe dhe të aplikojnë në njërin apo të dy konkurset.

Ekipet, si rregull, krijohen me maturantë nga e njëjta shkollë, por mund të krijohen edhe nga maturantë të shkollave të ndryshme. 

Për t'u informuar më në detaje mbi zhvillimin e konkurseve, detaje me fazat, trajnimin përgatitor, etj, ju ftojmë të klikoni në linkun bit.ly/rregullore-konkursi-2019

Për çdo pyetje apo sqarim lutemi na kontaktoni në çdo kohë në:
cel: +355 69 838 4913; +355 69 981 1925 dhe/ose e-mail: info@tbu.edu.al.

_________

Për tu njohur me zhvillimin e konkurseve në 3 vitet e fundit, klikoni në lidhjet e mëposhtme: