Studentët e TBU pjesëmarrës në Tirana Digital Nomad Festival

Studentët e TBU ishin pjesëmarrës sot në Tirana Digital Nomad Festival në kryeqytet, një event 5-ditor ndërkombëtar, i cili promovon punën dhe stilin e jetesës të punës në lëvizje. Kjo veprimtari bashkon punonjësit nomadë, ata në lëvizje, profesionistët e lirë dhe sipërmarrësit.

Administratori i TBU, Dr. Altin Sholla, përshëndeti pjesëmarrësit në event. Ai u shpreh se 50 milionë njerëz në botë punojnë për kompanitë e tyre, me të ardhura shumë të mira, nga qytetet më të bukura të botës. Ai ndau përvojën e tij personale, ku nga një sektor strikt si ai bankar, ku ka punuar rreth 20 vite, ai u zhvendos në sektorin e edukimit, dhe iu drejtua të rinjve se mundësitë për të qenë sipërmarrës digjitalë nomadë, duke punuar nga Tirana dhe jo vetëm, janë të shumta.

Studentët e TBU do ta ndjekin këtë aktivitet në të pesta ditët e tij, të ndarë në grupe të ndryshme, në varësi të profilit të tyre të studimit.