Vizitë Studimore në Bilbao – Projekti DUALBA

Nga data 22 deri më 26 shtator, anëtarët e ekipit të projektit DUALBA, bashkëfinancuar nga Komisioni Evropian, zhvilluan me sukses një vizitë studimore në Bilbao, Spanjë.

Tirana Business University u përfaqësua me krenari nga Samel Kruja, Indrit Baholli, Altin Sholla dhe Endri Plasari.

Projekti DUALBA ka për qëllim forcimin e bashkëpunimit midis akademisë dhe sektorit të biznesit, duke promovuar modele të arsimit dual që ndërthurin mësimin akademik me përvojën praktike në industri.

Gjatë vizitës, pjesëmarrësit morën pjesë në punëtori, takime institucionale dhe vizita në terren me universitete dhe kompani lokale, duke shkëmbyer praktikat më të mira dhe duke eksploruar qasje inovative për të përmirësuar punësueshmërinë dhe zhvillimin e aftësive në arsimin e lartë.

Kjo vizitë studimore përbën një tjetër hap të rëndësishëm drejt ndërtimit të një sistemi të qëndrueshëm dhe efektiv të arsimit dual në Ballkanin Perëndimor.