Zhvillohet në TBU Panairi i Karrierës, qindra studentë takojnë botën e biznesit

U zhvillua në mjediset e Tirana Business University, Panairi i parë i Karrierës, ku qindra studentë u takuan me përfaqësuesit e dhjetëra bizneseve dhe organizatave të ndryshme, ndër më të rëndësishmet në Shqipëri dhe më gjerë.

Takimi direkt me bizneset, iu jep mundësinë studentëve të TBU që të vihen në kontakt me botën e sipërmarrjeve, të njihen me ofertën e tyre dhe të kenë mundësinë që të nisin që në hapat e parë të karrierës së tyre universitare, edhe praktikat e punës. Përmes këtyre praktikave, rastet më të suksesshme, padyshim që do të kulmojnë me punësim.

Qindra jetëshkrime të dorëzuara dhe bisedat me përfaqësuesit e bizneseve të suksesshme, ishin mjaft motivuese dhe orientuese si për studentët tanë, ashtu edhe për sipërmarrjet pjesëmarrëse, të cilat mundën që të takojnë me sukses kërkesën dhe ofertën e tregut të punës.

Ky Panair, është vetëm një nga mjetet që përdor TBU, për të qenë sa më pranë motos së saj “Ku Studimi Sjell Punësim” dhe rezultatit rekord dhe tashmë të njohur, të punësimit 100% të të gjithë studentëve të saj.

Falenderojmë për pjesëmarrjen e tyre: ACREM; AKPA; B4Students; Balfin Construction; Balfin Real Estate; Bashkia Tiranë; Dimension HR; EY Albania; Fashion Group Albania; Federata Shqiptare e Futbollit; Intesa Sanpaolo Bank; Iute; Jumbo; Neptun; NOA; Qendra Youth Act; Raiffeisen Bank; Remany; Sinani & com; TalentBridge; Tandek’; Tirana Bank; UBA Bank.