Shpallen fituesit e konkurseve kombëtare “Tomorrow’s Entrepreneurs & TECHnovators” nga TBU

Tirana Business University organizoi me sukses Finalen për gjimnazistët pjesëmarrës në dy konkurset kombëtare traditë të TBU “Tomorrow’s Entrepreneurs” dhe “TECHnovators”.

Finalja u zhvillua në ambientet e TBU, ku skuadrat e nominuara në fazën finale patën mundësi të prezantonin idenë e tyre përpara jurisë, e cila ishte e përbërë nga Administratori i TBU, Dr. Altin Sholla, Dekani i Fakultetit të Teknologjisë së Infomacionit, Prof. Assoc. Dr. Indrit Baholli dhe Dekani i Fakultetit të Biznesit dhe Drejtësisë, Prof. Dr. Elvin Meka.

Aktiviteti nisi me përshëndetjen e Administratorit, Dr. Altin Sholla i cili theksoi se “Në TBU jemi të gjithë bashkë për të mbështetur rrugëtimin sipërmarrës dhe profesional të studentit, që kjo të ndodhë në një fazë sa më të hershme. Synimi ynë kryesor është vetëpunësimi dhe punësimi i të rinjve”.

Për fituesit e konkurseve u akorduan 3 çmime tematike dhe 2 çmime premium, bazuar në performancën si individ dhe si ekip.

Çmimet dhe ekipet fituese janë:

“The Best Idea” për ekipin BIOREEF nga Herman Gmeineer
“The Best Idea” për ekipin BROWSE + nga Shkolla Teknike Ekonomike.
“Nivel i lartë Prezantimi” për ekipin MED, nga Qemal Stafa
“Nivel i lartë Inovavioni” për ekipin FIT TRACK nga Shkolla Profesionale Teknike “Gjergj Canco”
“Nivel i Lartë Kreativiteti” për ekipin GREEN ALBANIA nga 28 Nëntori, Shkodër

Të gjithë pjesëmarrësit në këtë konkurs u vlerësuan duke u akorduar mundësia për të përfituar bursë me vlerë 50% për ndjekjen e studimeve në Universitetin tonë.

Konkurset Tomorrow’s Entrepreneurs dhe TECHnovators organizohen për vitin e 14-të radhazi me pjesëmarrjen e gjimnazistëve nga e gjithë Shqipëria.