TBU dhe Balfin Real Estate trajnojnë maturantët e Harry T. Fultz, mbi praktikat më të mira të shitjeve në tregun imobiliar

Sot, në ambienteve të TBU, u zhvillua një trajnim i dedikuar maturantëve të gjimnazit Harry T. Fultz në profilin e Biznesit. TBU, në bashkëpunim me Balfin Real Estate, ofroi trajnim për maturantët rreth praktikave më të mira në tregun e pasurive të paluajtshme.

Maturantëve u dha mundësia të merrnin pjesë në një trajnim të organizuar veçanërisht për ta, nga dy ekspertet më të mira të Balfin Real Estate, Znj. Fjoralba Barjami dhe Znj. Ermira Bala, të cilat janë pjesë e ekipit udhëheqës të projekteve të rëndësishme si Green Coast Resort dhe Vlora Marina.

Ekspertët e sektorit të pasurive të paluajtshme i informuan maturantët mbi zhvillimet aktuale në treg dhe i trajnuan ata për metodat dhe praktikat më të suksesshme. Ata gjithashtu ndanë përvojat e tyre personale, duke filluar nga bankat e universiteteve deri te tregu i punës. Trajnimi ishte frymëzues për të rinjtë dhe solli shumë diskutime dhe kureshtje, pasi tregu i pasurive të patundshme është i njohur për dinamizmin e tij.

Të qenit pjesë e Grupit BALFIN jep një mundësi unike, jo vetëm për të aftësuar studentët më të dalluar profesionalisht pranë kompanive të Grupit, por edhe për të krijuar sinergji me ekspertët përkatës, të cilët mund të ndajnë njohuri konkrete dhe praktike me studentët aktualë dhe të ardhshëm. Kjo ndihmon studentët të jenë sa më të përgatitur për sfidat profesionale të ardhshme.

Fakulteti i Administrimit të Biznesit në TBU është laboratori i së ardhmes për të gjithë të rinjtë që dëshirojnë të jenë menaxherë apo sipërmarrës të suksesshëm në tregun vendas dhe ndërkombëtar. Kjo është për shkak të përzierjes së mirë të botës akademike të pedagogëve me përvojën e biznesit, duke përfshirë ekspertët e Grupit BALFIN, të cilët gjithmonë mbështesin studentët me njohuri dhe informacion.