RRETH NESH

“Tirana Business University College” është një institucion arsimor që përgatit profesionistë në fushat e Administrim – Biznesit dhe Teknologjisë së Informacionit, në kontekstin e zhvillimit të tregut global.

I themeluar që në vitin 2010, në vitin 2014 TBU-së iu bashkua si aksioner Grupi BALFIN, një ndër grupet më të mëdha të biznesit në Ballkanin Perëndimor e më gjerë, i themeluar nga sipërmarrësi dhe filantropi Samir Mane.

Pasi nisi veprimtarinë në Tetor të vitit 2010, TBU mori akreditimin institucional dhe të të gjitha programeve të studimit me Vendimin nr.326, dt.15.08.2013 të Ministrit të Arsimit. TBU ka diplomuar 10 breza të studentëve në Bachelor dhe në Master. Mbi 86% e studentëve të TBU-së janë punësuar gjatë studimeve, ose fill pas tyre, në biznese të njohura si: Tirana Bank, Raiffeisen Bank, Neptun Albania, Spar Albania, Mane Development, BALFIN Real Estate, BALFIN Shpk, Deloitte, Credins, Philip Morris, apo në kompani të tjera jashtë vendit.

Në vitin 2023, Grupi BALFIN u bë aksioneri kryesor dhe mori administrimin e Tirana Business University, duke i dhënë një hov të ri zhvillimit të tij, për sa i takon rritjes së standardeve, cilësisë, kërkimit shkencor dhe investimeve në infrastrukturë. Një kampus i ri universitar, në një nga zonat më dinamike të biznesit në Tiranë, ishte vetëm vetëm risia e parë e BALFIN për TBU.

Kjo shkollë e lartë synon përgatitjen e studentëve me njohuritë dhe aftësitë të nevojshme për të përballuar sfidat e një tregu të punës gjithnjë e më konkurrues dhe për të kontribuar në zhvillimin ekonomik të vendit.

Përmes ofrimit të programeve të studimit të përshtatura me nevojat e tregut dhe përmes partneritetit me industrinë dhe komunitetin e biznesit, “Tirana Business University College” synon të edukojë  një brez të ri profesionistësh, të cilët do të jenë të përgatitur për sfidat dhe mundësitë e një tregu global. Kjo përputhet me nevojat e zhvillimit të vazhdueshëm të ekonomisë shqiptare dhe me kërkesat e një shoqërie moderne, të integruar në tregun ndërkombëtar.

Si pjesë integrale e BALFIN Group, TBU (Tirana Business University College) ka mundësinë të përfitojë nga një sërë avantazhesh dhe sinergjish, si:

• Mundësi për Bashkëpunim dhe Zhvillim: TBU mund të përfitojë nga përvoja dhe burimet e BALFIN Group, për të zhvilluar programe dhe projekte novatore në fushën e arsimit dhe zhvillimit të biznesit e teknologjisë së informacionit.
• Akses në Rrjetin e Biznesit dhe Industri: Nëpërmjet BALFIN Group, TBU ka mundësi për të ndërtuar lidhje të forta me industrinë dhe bizneset, duke siguruar mundësi praktike për studentët dhe shkëmbim informacioni për fusha të ndryshme të biznesit dhe teknologjisë së informacionit.
• Burimet dhe Mbështetja Financiare afatgjatë: BALFIN Group mund të ofrojë mbështetje financiare dhe burime për zhvillimin e infrastrukturës, programeve akademike dhe projekteve inovative të TBU-së.
• Përfitim nga Ekspertiza e Grupit: TBU mund të përfitojë nga ekspertiza dhe përvoja e BALFIN Group në fusha të ndryshme të biznesit dhe teknologjisë së informacionit, duke e bërë atë një institucion akademik më të përshtatshëm me kërkesat e tregut të punës.
• Mundësi për Programe të Përbashkëta dhe Shkëmbim Kulturor: BALFIN Group dhe TBU mund të zhvillojnë programe të përbashkëta, shkëmbime studentore, dhe veprimitari të tjera, kombëtare dhe rajonale, që promovojnë shkëmbimin kulturor dhe arsimor.

Në përputhje me këto sinergji, TBU ka mundësi të rrisë cilësinë e ofruar dhe të krijojë një mjedis mësimor dhe hulumtues më të pasur për të gjithë pjesëmarrësit e saj.

Në përputhje me vizionin e BALFIN Group, TBU realizoi disa ndryshime strukturore institucionale, si vijon:

1. Riorganizimi i dy njësive kryesore: “Fakulteti i Administrim Biznesit’’ dhe ‘’Fakulteti i Drejtësisë” në një të vetëm: “Fakulteti i Biznesit dhe Drejtësisë”, me njësitë bazë:

• Departamenti i Biznesit dhe Financës,
• Qëndra për Kërkime dhe Studime Ekonomike

2. Hapja e “Fakultetit të Teknologjisë dhe Informacionit ‘’ me njësitë bazë:

• Departamenti i Informatikës Ekonomike,
• Departamenti i Inxhinierisë Softuerike,
• Departamenti i Inxhinierisë Kompjuterike.

Veprimtaria akademike për njësitë bazë dhe kryesore të riorganizuara dhe të reja ka filluar në vitin akademik 2023-2024.

Përqendrimi i burimeve dhe përpjekjeve të TBU-së në këto dy drejtime (administrim – biznes dhe teknologji informacioni) synon modelimin e TBU-së si një IAL “niche”, në tregun e arsimit të lartë shqiptar, ku dhe vet BALFIN Group ka kompetenca dhe aftësi të spikatura. Kjo strategji specializimi synon të krijojë përparësi të prekshme, sidomos në pozicionimin e TBU-së në tregun e punës dhe në procesin e punësimit të shpejtë dhe cilësor.

Ky model pozicionimi në treg synon një nivel më të lartë efikasiteti dhe efektiviteti, në menaxhimin e përgjithshëm dhe atë akademik të institucionit, sikundër ndihmon në krijimin e një profili unik dhe reputacioni të dallueshëm për TBU-në në tregun e arsimit të lartë në vend.

Prioritetet e TBU janë në linjë me ato të Arsimit të Lartë në Shqipëri, konkretisht:

1. Mbështetja e ekselencës akademike;
2. Rritja e reputacionit të programeve të studimit në TBU;

• Avancimi në kërkime, studime dhe veprimtari krijuese;

1. Ndjekja e ecurisë së studentëve të diplomuar në tregun e punës;
2. Mbështetja dhe promovimi i rrjetit “TBU Alumni”.