TBU marrëveshje me Universitetin e Romës për Erasmus +, mundësi të shkëlqyera për studentët

Tirana Business University ka nënshkruar një marrëveshje bashkëpunimi e me Universitetin Niccolò Cusano në Romë, Itali, në kuadër të programit ERASMUS+. Ky bashkëpunim është një hap domethënës drejt rritjes së shkëmbimit dhe bashkëpunimit akademik mes dy institucioneve.  

Në bazë të kësaj marrëveshjeje, të dyja universitetet kanë marrë përsipër që të mundësojnë  shkëmbimet mes studentëve dhe stafeve akademike, duke pasuruar përvojat studimore, dhe duke promovuar të kuptuarin ndërkulturor. Marrëveshja do të shtrihet në vite të ndryshme akademike, duke nisur nga 2023-2024 deri më 2028-2029, duke garantuar mundësi të shumta për rritje reciproke.

Studentët e Tirana Business University do të kenë mundësinë e shkëlqyer që të kalojnë gjashtë muaj në mjedisin dinamik të studimeve në Università degli Studi Niccolò Cusano gjatë periudhës së dakordësuar. Për çdo pjesëmarrës, ky program shkëmbimi siguron më shumë perspektiva, mbështetje të arritjeve akademike, si dhe të krijimin e lidhjeve afatgjata ndërkombëtare.